التصدر فى البحث مش بس بأنك تكتب مقالة من 2000 او 3000 كلمة ومعاك قالب سريع ودومين مدفوع ومختار نيتش عليه بحث كبير وانت تفضل تكتب وتكتب ويعدى شهر واتنين وكتبت فوق ال 100 مقالة وانت مفيش زيارات خالص ويبدأ اليأس يتملك منك وتبدأ تشك فى اللى انت بتعملة وتبقى مش عارف هو انا اخترت نيتش مفيش عليه بحث ولا انا مدونتى فيها حاجة غلط ولا انا مدونتى واخدة عقاب من جوجل ولا اغير القالب يمكن العيب من القالب وكل الافكار دى عبارة عن وهم فى دماغك انت بس وكلها افكار مش صح لانك انت اللى دخلت التدوين من الباب الغلط ومفهمتش الدنيا شغالة ازاى فى مجال التدوين وهوضحلك النقطة دى بايجاز.
علشان توصل لمرحلة انك لما تنشر مقال يتصدر صفحة اولى وكمان كأول نتيجة فى الصفحة الاولى مش بالسهولة اللى انت فاكرها دى وعلشان توصل لها ببساطة محتاج اولا تقوى الدومين اثورتي بتاعك دة شئ مهم جدا جدا، طيب ازاى ترفع الدومين اثورتي ؟
- بأنك تنشر مقالات بشكل يومى ومنتظم، وكمان تعمل لموقعك صفحة عالفيس بوك وتويتر و بنترست الى اخره من مواقع التواصل هتقولى فايدتها ايه هقولك علشان لما جوجل بيشوف انه موقعك له تواجد كبير على مختلف المواقع دة بيخلى جوجل تثق اكتر فى موقعك بالتالى هيرفع الدومين اثورتى بتاعك.
- حاجة كمان بترفع الدومين اثورتي انك مدونتك يدخلها كل يوم زيارات كتيرة من جوجل، وهنا نقطة مهمة خد بالك منها ، متبقاش انت مدونة ليسا جديدة وبدومين جديد خالص وتكتب مقالة على سبيل المثال الربح من الانترنت ، لانه صدقنى مش هتتصدر ابدا حتى لو كانت المقالة 4000 كلمة ، ليه بقى لانه عمر جوجل ما هيحطك صفحة اولى فى وسط العتاولة الكبار اللى معاهم دومين اثورتي عالى جدا، وطبعا انت محتاج زيارات كتيرة لمدونتك وفى نفس الوقت لو كتبت عن عبارة بحث عليها منافسة كبيرة زى الربح من الانترنت او الربح من اليوتيوب او التسويق بالعمولة ، مش هتتصدر يعنى مفيش زيارات طيب نحلها ازاى دى هقولك الحل.
- الحل هيكون فى جوجل نيوز كبداية بس قبل ما تشترك مع جوجل نيوز لازم الاول يكون عندك تقريبا 20 مقالة حصرية ومكتوبة كويس بعدها قدم فى جوجل نيوز وبعد القبول، انت كدة تخطيت اكبر مشكلة من المشاكل وهى مشلكة بطئ الارشفة لان جوجل نيوز بمجرد ما تنشر مقالة هتتأرشف فى خلال دقيقة لحد كدة تمام.
- الشئ المهم بقى بما انك مدونة جديدة بدومين جديد والدومين اثورتي عندك 1 او 2 او 3 حتى متكتبش عن عبارات عليها منافسة كبيرة زى ما قلتلك لازم تكتب فى بداية تدوينك عن عبارات بحث عليها منافسة منخفضة جدا جدا وفى نفس الوقت عليها بحث كبير جدا جدا جدا علشان يجيلك زيارات كتير وترفع الدومين اثورتي بتاعك.
- وهنا بقى شغل دماغك انت وبخبرتك دور شوف الناس بتبحث عن ايه ولما تلاقى عبارة بحث عليها بحث كبير شوف فى حد قبلك اتكلم عنها ولا ايه ولو فيه مش مهم شوف مقالته دى لو بتاريخ قديم يبقى تمام اكتب انت عنها بقى وزود فى عنوان المقالة كلمة 2024 فاهم ازاى.
- كمان اهتم بالترند كويس اوى اعمل قسم فى موقعك وسميه ترندات مثلا، لان الترند لو كتبت عنه صح واستهدفت كلمات مفتاحية صح ممكن تبقى مدونتك عمرها شهر واحد بس ويدخلك كل يوم 500 زيارة من جوجل لو اشتغلت عالترند صح ، ومتنساش انك مشترك مع جوجل نيوز يعنى هتنشر المقالة هتتارشف فى نفس ذات الوقت، دى ميزة خطيرة لو استغلتها صح بخبرتك.
- بالشكل دة انت كمدونة جديدة هتشتغل على استراتيجية الثلاثية الفتاكة وهى جوجل نيوز + مواضيع عليها منافسة قليلة وبحث كبير+ مواضيع عن الترند. وتفضل شغال على كدة لحد لما الدومين اثورتي بتاعك يرفع يوم ورا يوم ومدونتك يدخلها زيارات كبيرة جدا يوميا وطبعا الهدف من دة كله كان هو رفع الدومين اثورتي بسرعة لانه هو اللى هيخلى جوجل تثق فى مدونتك وبالتالى توصل للهدف الاكبر وهو التصدر فى نتائج البحث.
- ولما تحس ان موقعك بقى تمام وعندك عدد زيارات محترم جدا يوميا ابدأ بقى اشتغل بشكل كبير على المقالات اللى كان نفسك تكتب عنها فى البداية زى الربح من الانترنت او الربح من يوتيوب والتسويق بالعمولة الى اخره حسب مجالك بقى، بس الفرق انك المرة دى هتكتب عن عبارات بحث عليها منافسة كبيرة وانت بقيت ادها يا بطل وهتدخل المنافسة مع العتاولة الكبار وهتقدر تنافسهم بموقعك صح ولو شغلت دماغك وفهمت السيو صح هتبقى انت نمبر ون فى البحث ديما.
- ونصيحىة اياك تقدم لادسنس الا لما تعمل كل اللى فات دة علشان تضمن القبول من اول مرة خلي التقديم فى ادسنس مثلا بعد سنة من انشاء مدونتك لما تحس ان موقعك فعلا بقى يستاهل تقدمة لادسنس. بلاش تستعجل وسيبك من الربح من مدونتك وفكر وخطط ازاى اخلى موقعى قوى بدومين اثورتى محترم وبعدها فكر فى الربح من مدونتك زى ما تحب مع ادسنس او غيره.
